លោក សោម ពិសិដ្ឋ អភិបាលរងខេត្តកែប ចុះជួបសំណេះសំណាល នឹងនាំយកនូវគ្រឿងឧបភោគ បរិភោគ ជូនដល់ក្រុមគ្រួសារខ្មែរកាន់សាសនាឥស្លាមចំនួន៥០គ្រួសារ​

ខេត្តកែប៖ នៅព្រឹកថ្ងៃទី១៩​ ខែឧសភា​ ឆ្នាំ២០២០​ នេះ​ លោក សោម ពិសិដ្ឋ អភិបាលរងខេត្តកែប និងជាប្រធានកិត្តិយសសម្ព័ន្ធយុវជនស្រលាញ់សន្តិភាពខេត្តកែប រួមដំណេីរជាមួយដោយ​ លោកស្រី អភិបាលក្រុងកែប លោក ប្រធានប្រតិបត្តិ ស យ ស ស ខេត្តកែប​ លោក​ លោកស្រី​ អនុប្រធាន និងសមាជិក​ សមាជិកា ស យ ស ស ខេត្តកែប បានអញ្ចេីញចុះជួបសំណេះសំណាលនឹងនាំយកនូវគ្រឿងឧបភោគ បរិភោគ សម្ភារមួយចំនួនរួមមាន​ ស្កសរ​ ទឹកដោះគោ​ប្រេងឆា​ ត្រីខកំប៉ុង​ ទឹកត្រី​ ទឹកស៊ីអីវ​ ទឹកអាល់កុល​ ម៉ាស់​ សាបូ​ និងថវិកា​មួយចំនួន​ ជូនដល់ក្រុមគ្រួសារខ្មែរកាន់សាសនាឥស្លាមចំនួន៥០គ្រួសារ​ ក្នុងឱកាសនៃពិធីបុណ្យរ៉ាម៉ាឌន​។

ឆ្លៀតក្នុងពិធីសំណេះសំណាល​នេះ លោក​ អភិបាលរងខេត្ត​ ក៏បានធ្វេីការណែនាំផ្ដាំផ្ញេី​ដល់បងប្អូនប្រជាពលរដ្ឋត្រូវប្រឹងប្រែងរកសុីទទួលទាន និងត្រូវចូលរួមចំណែកជាមួយរាជរដ្ឋាភិបាលក្នុងការអនុវត្ត ក្នុងការទប់ស្កាត់ការរីករាលដាល​នៃជំងឺកូវីដ-១៩​ តាមសារអប់រំ​ណែនាំ​ របស់ក្រសួងសុខាភិបាល​ និងត្រូវអនាម័យជាប្រចាំ៕