កិច្ចប្រជុំត្រួតពិនិត្យការអនុវត្តតួនាទីភារកិច្ច និងការងារកងរាជអាវុធហត្ថខេត្តកណ្តាល ប្រចាំខែឧសភា

ខេត្តកណ្តាល៖ នៅព្រឹកថ្ងៃពុធ ទី០៣ ខែមិថុនា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តកណ្តាល បានរៀបពិធីប្រជុំត្រួតពិនិត្យការអនុវត្តតួនាទីភារកិច្ច និងការងារកងរាជអាវុធហត្ថ ប្រចាំខែឧសភា ទិសដៅការងារ ខែមិថុនា ឆ្នាំ២០២០ និងការបែងចែកភារកិច្ចទទួលខុសត្រូវ ជួយមេបញ្ជាការ ផ្សព្វផ្សាយលើការងារជំនាញពិភាក្សាបង្កើតក្រុមប្រឹក្សាប្រឡងប្រណាំង ស្រាវជ្រាវយោធិន និងផ្សព្វផ្សាយការងារផែនការផ្សេងៗមួយចំនួនទៀត។

ពិធីនេះក្រោមធិបតីភាពលោក ឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល និងមានការចូលរួមពីលោក លោកស្រីមេបញ្ជាការរង នាយសេនាធិការ ប្រធានមន្ទីរស្តីទី អនុមន្ទីរ មេបញ្ជាការក្រុង ស្រុក នាយការិយាល័យ មេបញ្ជាការកងវរអន្តរាគមន៍  និងនាយ នាយរងកងរាជអាវុធហត្ថជាច្រើនរូបទៀត។