លោក ស៊ូរ ប្លាតុង អភិបាលស្រុកប្រាទបាគង ថ្លែង​អំណរគុណ​ ចំពោះឯកឧត្តមប្រធាន​​ និងឯកឧត្តម អនុប្រធាន ក្រុមការងាររាជរដ្ឋាភិបាល​ចុះជួយស្រុក​ប្រាសាទបាគង​ ដែលបាននាំ​យកនូវអំណោយមកប្រគល់ជូនដល់រដ្ឋបាលស្រុក

ខេត្តសៀមរាប៖ នៅព្រឹកថ្ងៃទី០៥ ខែមិថុនា ឆ្នាំ២០២០នេះ លោក ស៊ូរ ប្លាតុង អភិបាលស្រុកប្រាទបាគង បានថ្លែង​អំណរគុណ​ តាមរយៈផេកហ្វេសប៊ុកផ្ទាល់ខ្លួនរបស់លោក ចំពោះឯកឧត្តម ស៊ុំ សំណាង ប្រធាន​ ក្រុមការងាររាជរដ្ឋាភិបាល​ ចុះជួយ​ស្រុកប្រាសាទបាគង​ និងឯកឧត្តម ទេព សំអាន អនុប្រធានក្រុមការងាររាជរដ្ឋាភិបាល​ចុះជួយស្រុក​ប្រាសាទបាគង​ ដែលបាននាំ​យកនូវអំណោយជាគ្រឿងឧបភាគបរិភោគ​ មកប្រគល់ជូនដល់រដ្ឋបាលស្រុក កាលពីព្រឹកថ្ងៃទី០៤ ខែមិថុនា ឆ្នាំ២០២០​ម្សិលមិញ​ សម្រាប់ត្រៀមបន្ត ផ្តល់ជូនបងប្អូនប្រជាពលរដ្ឋដែលមានបញ្ហារជីវភាព ក្នុងរយៈពេលដែលយើងទាំងអស់គ្នា​ រួមគ្នាការពារបង្ការ ទប់ស្កាត់ការរីករាលដាលនៃជំងឺ កូវីដ១៩  (COVID-19) ។​

អំណោយ​ជាគ្រឿងឧបភាគបរិភោគ​ ដែលនាំមកប្រគល់ជូន រួម​មាន អង្ករ​១២៥០​គីឡូក្រាម​ មីយើង​៥០កេស ទឹកត្រី៣០០ដប ទឹកស៊ីអ៊ីវ ៣០០ដប និងសាប៊ូក្រអូប ១០០ដុំ​ ​។

លោកអភិបាលស្រុកក៏បានអោយដឹងថា នេះជាលើកទី៣(ក្នុងមួយលើកចែកបាន៥០គ្រួសារ)​ ហើយដែលឯកឧត្តមប្រធាន និងឯកឧត្តមអនុប្រធានក្រុមការងារ​ បានផ្តល់ជាគ្រឿងឧបភោគបរិភោគ​ មករដ្ឋបាលស្រុក​ សម្រាប់ចែកជូនបន្តដល់បងប្អូនដែលជួបបញ្ហារជីវភាពប្រចាំថ្ងៃ​ បើគិតជាថវិការសរុបប្រមាណ​ ​​​១៣,​៩៨៦,៩០០រៀល​ ។

ជាមួយគ្នានោះដែរក្នុងនាមលោក ជាអភិបាលស្រុកប្រាសាទបាគង​ សូម​ថ្លែង​អំណរគុណ​ដ៏ជ្រាលជ្រៅ​បំផុត​ចំពោះ​ ឯកឧត្តមប្រធាននិងឯកឧត្តមអនុប្រធានក្រុមការងារ និងសូមគោរព​ជូនពរ​ ឯកឧត្តមនិងក្រុមគ្រួសារ​ មានសុខ​ភាពល្អ ​ជោគជ័យការងារគ្រប់ភារកិច្ច ៕