ពីធីប្រកាសតែងតាំង និងចូលកាន់តំណែងនេះ បានធ្វើឡើងនៅសាលាខេត្តកែប ដែលមានការអញ្ជេីញចូលរួម ដោយ ឯកឧត្តម សំ សារីន ប្រធានក្រុមប្រឹក្សាខេត្តកែប និងឯកឧត្តម សោម ពិសិដ្ឋ អភិបាលនៃគណអភិបាលខេត្ត អភិបាលរងខេត្ត ថ្នាក់ដឹកនាំ មន្រ្តីរាជការ មន្ទីរអង្គភាពជុំវិញខេត្ត អភិបាលក្រុង ស្រុក និងក្រុមយុវជនសរុបប្រមាណ២០០នាក់ ។
ឯកឧត្តម ខាយ ឃុនហេង រដ្ឋលេខាធិការក្រសួងប្រៃសណីយ៍ និងទូរគមនាគមន៍ មានប្រសាសន៍ថា លោក សាម ណូក បានដល់អាយុ ត្រូវដាក់អោយចូលនិវត្តន៍ស្របតាមច្បាប់ស្តីពីការគ្រប់គ្រងមន្រ្តីរាជការស៊ីវិល និងត្រូវតែងតាំង លោក ហេង ប្រាណ ជាប្រធានមន្ទីរប្រៃសណីយ៍ និងទូរគមនាគមន៍ខេត្តជំនួសវិញ ។
ឯកឧត្តម សោម ពិសិដ្ឋ អភិបាលខេត្តកែប បានថ្លែងថាការប្រកាសចូលកាន់មុខតំណែងប្រធានមន្ទីរនាពេលនេះគឺជាការប្រគល់ភារកិច្ចនិងជាការផ្តល់នូវការទទួលខុសត្រូវមួយថែមទៀតដែលតម្រូវឱ្យសាមីខ្លួន ត្រូវតែបញ្ចេញឱ្យអស់សមត្ថភាពលទ្ធភាពនិងទេពកោសល្យ ដើម្បីជំនះបានរាល់ការលំបាកនានាដែលកើតមានឡើងកន្លងមកហើយចាំបាច់ត្រូវសហការជាមួយថ្នាក់ដឹកនាំនិងមន្ត្រីក្រោមឱវាទដើម្បីធ្វើឱ្យអង្គភាពមានការប្រែប្រួលមុខមាត់ថ្មីសំដៅធានាឱ្យបាននូវភារកិច្ចស្នូលទាំងឡាយ។ដែលអង្គភាពត្រូវបំពេញ និងទទួលខុស ត្រូវចំពោះមុខក្រសួងប្រៃសណីយ៍ និងទូរគមនាគមន៍ព្រមទាំងភារកិច្ចទាំងឡាយផ្សេងៗទៀតទៅតាមការចាំបាច់ដែលរដ្ឋបាលខេត្តប្រគល់ជូន។
ឯកឧត្តម ក៏បានបន្ថែមថាខេត្តកែប ជាប៉ូលទេសចរណ៍មួយដ៏សំខាន់របស់ព្រះរាជាណាចក្រកម្ពុជា ដែលមានឆ្នេរសមុទ្រល្អស្រស់ និងតំបន់ទេសភាពធម្មជាតិអេកូ-ទេសចរណ៍ច្រើនទៀតសម្រាប់ភ្ញៀវទេសចរ មកទស្សនាកម្សាន្ត។
ឯកឧត្តម បានបន្តថា ទោះស្ថិតក្នុងដំណាក់កាលផលប៉ះពាល់នៃជំងឺកូវីដ-១៩ ក៏ដោយក៏រដ្ឋបាលខេត្តកែប បាននិងកំពុងជម្រុញនិងយកចិត្តទុកដាក់លើការកែលំអសោភណ្ឌភាពក្រុងឱ្យបានកាន់តែល្អប្រសើរថែមទៀត ក្នុងនោះរួមមានផ្លូវថ្នល់ ពង្រីកឆ្នេរ និងកិច្ចការការពារអនាម័យបរិស្ថានជាដេីម ។
No comments:
Post a Comment