អាជ្ញាធរខេត្តកោះកុង ចុះពិនិត្យគម្រោងអភិវឌ្ឍន៍ទេសចរណ៍ធម្មជាតិ ចំនួន ៤ គម្រោង នៅឧទ្យានជាតិបុទុមសាគរ

ខេត្តកោះកុង៖ ថ្ងៃចន្ទទី២២ ខែកុម្ភៈ ឆ្នាំ២០២១ លោក អ៊ុក ភ័ក្ត្រា អភិបាលរង នៃគណៈអភិបាលខេត្តកោះកុង អញ្ជើញស្វាគមន៍ ឯកឧត្តម ស្រ៊ុន ដារិទ្ធិ រដ្ឋលេខាធិការ នៃក្រសួងបរិស្ថាន ក្នុងការចុះពិនិត្យទីតាំងស្នើសុំគម្រោងអភិវឌ្ឍន៍ទេសចរណ៍ធម្មជាតិ ចំនួន ៤ គម្រោង របស់លោកស្រី ឈឹម យុត្ថាវត្តី លោក ថូ ឥណ្ឌីរ៉ាវុធ លោក ថូ ឥណ្ឌីរ៉ាយុត្តិ លោក គិត ផាន់ណែត ស្ថិតនៅក្នុងតំបន់ប្រើប្រាស់ដោយចីរភាព នៃឧទ្យានជាតិបុទុមសាគរ នៅភូមិសាស្ត្រភូមិជីត្រិះ ឃុំអណ្តូងទឹក ស្រុកបូទុមសាគរ ខេត្តកោះកុង ដោយមានការចូលរួមពីរដ្ឋបាលមូលដ្ឋាន និងមន្ទីរជំនាញពាក់ព័ន្ធ៕