អភិបាលខេត្តព្រៃវែង​ អញ្ជេីញចូលរួមអមដំណើរ សម្តេចក្រឡាហោម ស ខេង ក្នុងឱកាសអញ្ជើញបំពេញទស្សនកិច្ចនៅការដ្ឋានបោសសម្អាតគ្រាប់មីនមិនទាន់ផ្ទុះ ក្នុងនាវាលិចក្នុងទន្លេ ស្ថិតនៅស្រុកស្រីសន្ធរ ខេត្តកំពង់ចាម

ខេត្តព្រៃវែង៖ នាថ្ងៃសុក្រ ទី១២ ខែកុម្ភៈ ឆ្នាំ២០២១ ឯកឧត្តម​ ជា​ សុមេធី​ អភិបាលខេត្តព្រៃវែង​ បានអញ្ជេីញចូលរួមអមដំណើរ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អញ្ជើញបំពេញទស្សនកិច្ចនៅការដ្ឋានបោសសម្អាតគ្រាប់មីនមិនទាន់ផ្ទុះ ក្នុងនាវាលិចក្នុងទន្លេ ស្ថិតនៅភូមិវាល ឃុំមានជ័យ ស្រុកស្រីសន្ធរ ខេត្តកំពង់ចាម។ 

ដំណើរទស្សនៈកិច្ចនេះ ក៏មានការចូលរួមពីលោកឧត្តមសេនីយ៍ស្នងការនគរបាលខេត្តព្រៃវែង លោក/លោកស្រីអភិបាលស្រុកពាមជរ និងពាមរក៍ (ស្រុកជាប់ទន្លេមេគង្គ)ព្រមទាំង​​អធិការស្រុកទាំងពីរខាងលើនេះផងដែរ។

យោងតាមរបាយការណ៌សង្ខេបរបស់​ ឯកឧត្តម​ នាយឧត្តមសេនីយ៍​ សែម​ សុវណ្ណនី​ អគ្គនាយកមជ្ឈមណ្ឌលជាតិ​ ក្នុងពិធីចុះត្រួតពិនិត្យ​ និងសួរសុខទុក្ខដល់កងកម្លាំងបោសសំអាតគ្រាប់យុទ្ធភណ្ឌមិនទាន់ផ្ទុះក្រោមទឹក​ បានអោយដឹងថា​ គិតត្រឹម​ថ្ងៃទី១១​ ខែកុម្ភៈ​ ឆ្នាំ​២០២១​ ប្រតិបត្តិការ​រុករក​ទទួល បានលទ្ធផលគួរជាទីមោទនៈ​ រួមមានដូចខាងក្រោម៖

១-រកឃេីញគ្រាប់មិនទាន់ផ្ទុះ​ ទំហំ60-105mm​ ចំនួន​722 គ្រាប់​ 

២-គ្រាប់​ប្រភេទតូច​ (ប្រភេទកាំភ្លេីងដៃ​ និងកាំភ្លើងយន្ត)​ចំនួន​ 54,925គ្រាប់​ ។ សរុបរួមមាន ​55,697គ្រាប់​ ដែលត្រូវបានរុករកឃេីញនៅក្នុងឃ្លុបទី១​ និងនៅ៣ឃ្លុបទៀត​ ដែលត្រូវយកចេញជាបន្តបន្ទាប់។

ក្នុងពិធីសំណេះសំណាលនេះដែរ សម្តេចក្រឡាហោមបានមានប្រសាសន៍សង្កត់ធ្ងន់ថា ការងារបោសសម្អាតមីនជាការងារមួយដែលរាជរដ្ឋាភិបាល ជាពិសេសអជ្ញាធរមីនកម្ពុជា និង ប្រតិបត្តិការសកម្មភាពមីនជាតិ និងអន្តរជាតិបានយកចិត្តទុកដាក់យ៉ាងខ្លាំង ដើម្បីរំដោះផ្ទៃដីដែលមានមីន និងសំណល់ជាតិផ្ទុះពីសង្រ្គាម ដើម្បីអោយប្រជាពលរដ្ឋយកដីទាំងនោះ ទៅប្រកបរបរកសិកម្ម រួមចំណែកកាត់បន្ថយភាពក្រីក្រ។

ជាថ្មីម្តងទៀត​ ឯកឧត្តម​ អភិបាល​ខេត្ត​​ និងប្រជាពលរដ្ឋក្នុង​ខេត្តព្រៃវែងទាំងមូល​ សូមគោរពជូនពរ​ សម្តេចក្រឡាហោម ស ខេង និងប្រតិភូអមដំណើរ ព្រមទាំងសហការី សូមមានសុខភាពល្អ​ បរិបូរណ៍​ប្រាជ្ញា​ឈ្លៀសវៃ​ និងជ័យជំនះ​គ្រប់ភារកិច្ច​ ដើម្បីជួយរួមចំណែកដឹកនាំ​ អភិវឌ្ឍ និងផ្តល់យន្តការដោះស្រាយបញ្ហា និងចែករំលែកធាតុចូលចាំបាច់ក្នុងការជំរុញការអនុវត្ត គោលនយោបាយរបស់រាជរដ្ឋាភិបាលអោយកាន់តែមានប្រសិទ្ធិភាព និងជៀសផុតពីជំងឺកូវីដ-១៩ ដ៏កាចសាហាវមួយនេះ៕