ខឹងប្រពន្ធទៅដេកផ្ទះអ្នកជិតខាង ទប់កំហឹងមិនបាន ដុតផ្ទះចោលឆេះខ្ទេច

ខេត្តឧត្តរមានជ័យ ៖ ដោយសារតែទប់កំហឹងមួយឆាវមិនបាន បុរសជាប្តីបានដុតបំផ្លាញផ្ទះខ្លួនឆេះខ្ទេច ព្រោះតែប្រពន្ធរត់ទៅដេកផ្ទះអ្នកជិតខាង ដើម្បីគេចពីប្តីវាយធ្វើបាប។ ហេតុការណ៍នេះកើតឡើងនៅម៉ោងជាង១ រំលងអធ្រាត្រឈានចូលថ្ងៃទី២៥ ខែមីនា ឆ្នាំ២០២៥ ស្ថិតនៅភូមិកូនដំរី សង្កាត់សំរោង ក្រុងសំរោង ខេត្តឧត្តរមានជ័យ។ ជនសង្ស័យជាប្តី មានឈ្មោះ ភាន់ ជា អាយុ៤២ឆ្នាំ។ រីឯប្រពន្ធឈ្មោះ វី ស៊ីណែត អាយុ៣៣ឆ្នាំ មានទីលំនៅភូមិ សង្កាត់កើតហេតុខាងលើ៕