លោកជំទាវ ជូ ប៊ុនអេង អញ្ជើញសំណេះសំណាល និងចែកអំណោយជូនប្រជាពលរដ្ឋជួបការកំបាកចំនួន ១៥៨នាក់ និងបំពាក់ឯកសណ្ឋានដល់ប្រជាការពារចំនួន៩៦នាក់

ខេត្ត​កំពង់ឆ្នាំង៖ នៅព្រឹកថ្ងៃទី១១ ខែមេសា ឆ្នាំ២០២០​ លោកជំទាវ ជូ ប៊ុនអេង រដ្ឋលេខាធិការ​ក្រសួង​មហាផ្ទៃ  និងជាប្រធានក្រុមការងាររាជរដ្ឋាភិបាលចុះមូលដ្ឋានក្រុងកំពង់ឆ្នាំង រួមជាមួយឯកឧត្តម លោកជំទាវ ក្រុមការងារ លោកជំទាវ ប៊ន សុភី អភិបាលរងខេត្តកំពង់ឆ្នាំង អភិបាលក្រុង អាជ្ញាធរក្រុង បានអញ្ជើញជាអធិបតីភាពក្នុងពិធីសំណេះសំណាល ចែកអំណោយជូនប្រជាពលរដ្ឋជួបការកំបាកចំនួន ១៥៨នាក់ រស់នៅសង្កាត់ទាំង០៤ ក្នុងក្រុងកំពង់ឆ្នាំង ពិធីប្រារព្ធធ្វើនៅក្នុងបរិវេណសាលាក្រុងកំពង់ឆ្នាំង។ អំណោយដែលបានចែកជូនដោយក្នុងម្នាក់ៗទទួលបាន៖ អង្ករ ២៥គីឡូក្រាម, សាប៊ូលាងដៃពីរដុំ, ទឹកខ្ពុលមាត់មួយដប, ថ្នាំដុសធ្មេញមួយដប និងក្រមា១។

ក្នុងឱកាសនោះ​ដែរលោកជំទាវ ជូ ប៊ុនអេង ប្រធានក្រុមការងារ បានអញ្ជើញបំពាក់ឯកសណ្ឋានដល់ប្រជាការពារចំនួន ៩៦ នាក់ ក្នុងក្រុងកំពង់ឆ្នាំង ដោយក្នុងម្នាក់ម្នាក់ៗទទួលបាន៖ ឯកសណ្ឋានមួយកំផ្លេ, សាប៊ូលាងដៃ ពីរដុំ, ទឹកខ្ពុលមាត់មួយដប, ថ្នាំដុសធ្មេញមួយដប, ឡាមកោរពុកមាត់មួយ និងក្រមា១ ៕