សហភាពសហព័ន្ធយុវជនកម្ពុជាខេត្តសៀមរាបចុះសម្អាតទីធ្លា និងអគារសាលាគរុកោសល្យនិងវិក្រិតការខេត្តដើម្បីរៀបចំកន្លែងស្នាក់នៅបណ្តោះអាសន្នរបស់បងប្អូនប្រជាពលរដ្ឋខ្មែរ មកពីក្រៅប្រទេស

ខេត្តសៀមរាប៖ កាលពីរសៀលថ្ងៃទី១០ ខែមេសា ឆ្នាំ២០២០ ឯកឧត្តម ទៀ សីហា អភិបាល នៃគណៈអភិបាល និងឯកឧត្តម ប្រាក់ សោភ័ណ ប្រធាន សសយក ខេត្ត បានដឹកនាំកម្លាំងសហភាពសហព័ន្ធយុវជនកម្ពុជាខេត្តសៀមរាបបានចុះសម្អាតទីធ្លានិងទីតាំងអគារនៅសាលាគរុកោសល្យនិងវិក្រិតការខេត្ត ដើម្បីរៀបចំកន្លែងស្នាក់នៅបណ្តោះអាសន្ននៃការវិលត្រឡប់របស់បងប្អូនប្រជាពលរដ្ឋខ្មែរ មកពីក្រៅប្រទេសដើម្បីការស្នាក់នៅបណ្តោះអាសន្ន ព្រមទាំងតាមដាន ត្រួតពិនិត្យពីសុខភាព ពីសំណាក់ក្រុមគ្រូពេទ្យជំនាញនៃមន្ទីរសុខាភិបាលខេត្ត និងស្តាប់ការណែនាំពីការដាក់ខ្លួនឲ្យនៅដាច់ដោយឡែករយៈពេល ១៤ថ្ងៃ។

ការរៀបចំបែបនេះ គឺដើម្បីយើងទាំងអស់គ្នារួមសាមគ្គី ក្នុងការប្រយុទ្ធប្រឆាំង នឹង ជម្ងឺកូវិដ១៩ គឺត្រូវ អនុវត្តឲ្យបានជាប្រចាំនូវគ្រប់វិនាទីនៃសេចក្តីណែនាំរបស់ក្រសួងសុខាភិបាល នោះប្រទេសជាតិយើងឆ្លងផុតពីជម្ងឺកូវីដ ១៩នេះគ្រប់ៗគ្នា៕