លោកឧកញ៉ា ហួរ សុជាតិ និងលោកជំទាវ ស៊ូ ដាវី ផ្តល់អំណោយជូនរដ្ឋបាលខេត្តកំពង់ស្ពឺ សម្រាប់ប្រើប្រាស់តាមតម្រូវការចាំបាច់ ក្នុងយុទ្ធនាការបង្ការ និងទប់ស្កាត់ ជំងឺកូវីដ១៩

ខេត្តកំពង់ស្ពឺ៖ នៅព្រឹកថ្ងៃទី២០ ខែមេសា ឆ្នាំ២០២០ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ លោកបានអញ្ជើញជាអធិបតីក្នុងពិធីទទួលអំណោយសប្បុរសធម៌ ពីលោកឧកញ៉ា ហួរ សុជាតិ និងលោកជំទាវ ស៊ូ ដាវី អគ្គនាយកក្រុមហ៊ុន អ៊ៅវើរថិចស្ដាយ ខូលិកស៊ិន ខូអិលធីឌី ដែលលោកឧកញ៉ា និងលោកជំទាវបានផ្តល់ជូនរដ្ឋបាលខេត្តកំពង់ស្ពឺ សម្រាប់ប្រើប្រាស់តាមតម្រូវការចាំបាច់ ក្នុងយុទ្ធនាការបង្ការ និងទប់ស្កាត់ ជំងឺកូវីដ១៩ ក្នុងខេត្ត ។

អំណោយដែលលោកឧកញ៉ា ហួរ សុជាតិ និងលោកជំទាវ ស៊ូ ដាវី បានផ្តល់ជូនរដ្ឋបាលខេត្តកំពង់ស្ពឺ នាព្រឹកនោះ រួមមាន អាវរងា ភួយ និងប្រដាប់វាស់កំដៅ និងថវិកាមួយចំនួនទៀត ៕