លោកឧត្តមសេនីយ៍ទោ ឡោ សុខា ស្នងការ នគរបាលខេត្ត បានដឹកនាំក្រុមការងារចុះសួុរសុខទុក្ខកងកម្លាំងនគរបាលជាតិ​ នៅទីបញ្ជាការវរសេនាតូច​នគរបាលការពារព្រំដែនគោកលេខ៣០៣​ និងលេខ៦២១

មណ្ឌលគិរី៖ នាព្រឹកថ្ងៃចន្ទ ៩កើត ខែអាសាឍ​ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៩ ខែមិថុនា ឆ្នាំ២០២០ លោកឧត្តមសេនីយ៍ទោ ឡោ សុខា ស្នងការនគរបាលខេត្ត បានដឹកនាំក្រុមការងារ​ អញ្ជេីញចុះសួុរសុខទុក្ខកងកម្លាំងនគរបាលជាតិ​ វរសេនាតូចនគរបាលការពារព្រំដែនគោកលេខ៣០៣​ និងលេខ៦២១​ ដែលពិធីនេះប្រព្រឹត្តទៅនៅទីបញ្ជាការវរសេនាតូចនគរបាលការពារព្រំដែនគោកលេខ៣០៣។ ដោយមានការអញ្ជើញចូលរួមពី​លោក លោកស្រី​ ឧត្តមសេនីយ៍ស្នងការរ​ លោកនាយការិយាល័យបុគ្គលិក នាយរងការិយាល័យផ្សព្វផ្សាយអប់រំ លោកមេបញ្ជា​ការ​ មេបញ្ជាការរង​ នាយ នាយរងផ្នែក​ នាយ-នាយរង​ប៉ុស្តិ៍នគរបាលការពារព្រំដែនគោកទាំង១៤ និងមន្ត្រី នៃវរសេនាតូចនគរបាលព្រំដែនគោកលេខ៣០៣​និងលេខ៦២១​ សរុបចំនួុន​ ៧៧នាក់ ។

នៅក្នុងពិធីនោះដែរក៏មានពិធីប្រកាស​សេចក្តីសម្រេចរបស់អគ្គស្នងការនគរបាលជាតិ ស្តីពីការផ្ទេរភាកិច្ច តែងតាំងមុខតំណែង និងតម្លេីងឋានន្តរស័ក្តិ​ ជូនមន្រ្តីនគរបាលជាតិ នៃវរសេនាតូចនគរបាលព្រំដែនគោកលេខ៣០៣​ ដោយលោកវរសេនីយ៍ឯក ម៉ៅ រិទ្ធី នាយការិយាល័យបុគ្គលិក។

ស្ថិតក្នុងឱកាសនោះដែរលោកឧត្តមសេនីយ៍ ស្នងការ បានមានប្រសាសន៍ណែនាំដល់កងកម្លាំងនគរបាលវរសេនាតូចនគរបាលព្រំដែនគោកទាំងអស់ ជាពិសេសមន្រ្តីនគរបាលដែលទើបប្រកាសផ្ទេរភារកិច្ច តែងតាំងមុខតំណែង និងតម្លើងឋានន្តរស័ក្តិថ្មី ត្រូវយកចិត្តទុកដាក់ក្នុងការបំពេញភារកិច្ច​ និងទទួុលខុសត្រូវលើចំណុចគោលដៅការងាររៀងៗខ្លួុន ម្យ៉ាងវិញទៀតកងកម្លាំងត្រូវគោរពវិន័យលេខ០០៦អោយបានល្អប្រសើរបន្ថែមទៀត និងមានស្មារតីទទួុលខុសត្រូវការពារតាមតំបន់ព្រំដែនក្នុងមូលដ្ឋានរបស់ខ្លួុន ចុះល្បាតត្រួតពិនិត្យតាមខ្សែបន្ទាត់ព្រំដែន បង្គោលសីមាដែលបានបោះរួចជាប្រចាំ។

ជាកិច្ចបញ្ជប់លោកឧត្តមសេនីយ៍ ស្នងការ បានឧបត្ថម្ភនូវ​ អង្ករចំនួន០២តោន, ប្រេងឆា០២កេះ, ទឹកត្រី០៤កេះ, ត្រីខ០១កេះ, សាច់ប៉ាត់តេ​០១កេះ,​ ប៊ីចេង២០កញ្ជប់​ ដល់ទីបញ្ជាការវរសេនាតូចទាំងពីរផងដែរ៕