ពិធីនេះក៏មានការអញ្ជើញចូលរួមពី ឯកឧត្តម សមាជិកក្រុមប្រឹក្សាខេត្ត ឯកឧត្តម អភិបាលរងខេត្ត លោកស្នងការ ស្នងការរង នគរបាលខេត្ត លោកអធិការដ្ឋាននគរបាលស្រុក លោកមេប៉ុស្តិ៍ លោកនាយករដ្ឋបាលសាលាខេត្ត លោកនាយកទីចាត់ការហិររញ្ញវត្ថុសាលាខេត្ត លោកប្រធានសភាពាណិជ្ជកម្មខេត្ត លោកអភិបាលអភិបាលរងស្រុកកំពង់រោទិ៍ លោកមេឃុំ ក្រុមប្រឹក្សាឃុំ អាជ្ញាធរដែនដីពាក់ព័ន្ធ និងប្រជាពលរដ្ឋជាច្រើនរូបទៀត ។
ថ្លែងទៅកាន់ប្រជាពលរដ្ឋទាំង៥០គ្រួសារ ឯកឧត្តមអភិបាលខេត្តបានលេីកឡេីងថា សមិទ្ធផលថ្មីដែលបានរៀបចំក្រុងពាលីសាងសង់នាព្រឹកនេះ គឺជាសមិទ្ធិលថ្មីមួយទៀតស្របតាមទិសដៅអភិវឌ្ឍន៍របស់រាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោនាយករដ្ឋមន្ត្រី ហ៊ុន សែន ដែលបម្រើឱ្យការការពារ សន្តិសុខ សុវត្ថិភាព និងការផ្តលសេវាជូនដល់ប្រជាពលរដ្ឋ។
ទន្ទឹមនេះ ឯកឧត្តមអភិបាលខេត្ត ក៏បានក្រេីនរំឮក និងផ្តាំផ្ញេីដល់បងប្អូនប្រជាពលរដ្ឋនូវចំណុចសំខាន់ៗមួយដូចជា៖
១-បច្ចុប្បន្នភាពនៃអត្តសញ្ញាណកម្មគ្រួសារក្រីភាពដែលប្រជាពលរដ្ឋទទួលបាន នៅក្នុងខេត្តស្វាយរៀង ទាំងការបើកសាច់ប្រាក់ក្នុងជំហានទី១ និងជំហានទី២ ទៅតាមប័ណ្ណសមធម៌ដែលទទួលបាន ។
២-ចូលរួមថែរក្សាអនាម័យខ្លួួនប្រាណស្របតាមការណែនាំរបស់ក្រសួងសុខាភិបាលដេីម្បីការពារជម្ងឺឆ្លងកូវីដ១៩។
៣-ចូលរួមគោរពច្បាប់ចរាចរណ៍ផ្លូវគោកដេីម្បីបញ្ជៀសការគ្រោះថ្នាក់នៅលេីដងផ្លូវ។
៤-ឪពុកម្តាយគ្រប់រូបត្រូវបន្តការអប់រំកូនចៅជៀសអោយឆ្ងាយពីគ្រឿងញៀន។
៥- ក្នុងរដូវវស្សានេះប្រជាពលរដ្ឋគ្រប់រូបត្រូវមានការប្រុងប្រយ័ត្នចំពោះគ្រោះថ្នាក់ដែលបណ្តាុលមកពីគ្រោះធម្មជាតិផ្សេងៗដូចជា ខ្យលកន្ត្រាក់ ផ្គររន្ទះជាដេីម ។
៦- អាជ្ញាធរពាក់ព័ន្ធត្រូវបន្តចុះជួយដោះស្រាយបញ្ហារបស់ប្រជាពលរដ្ឋដែលរងគ្រោះដោយសារគ្រោះធម្មជាតិឲ្យបានទាន់ពេលវេលា។
អំណោយដែលប្រជាពលរដ្ឋទាំង៥០គ្រួសារ ក្នុង១គ្រួសារទទួលក្រម៉ា១ ទឹកស៉ីអ៉ីវ១យួ អំបិល១កញ្ចប់ សាប៊ូលុច១កញ្ចប់ ម៉ាស១០ អង្ករ១៥ គីឡូក្រាម និងថវិកា២០,០០០រៀល។
ចំពោះក្រុមប្រឹក្សាឃុំ ស្មៀនឃុំ ជំនួយការឃុំ ៧នាក់ក្នុងម្នាក់ៗទទួលបានថវិកា៣០,០០០រៀល , ថ្នាក់ដឹកនាំភូមិ១២នាក់ ក្នុងម្នាក់ៗទទួលបាន៣០,០០០រៀល , ប្រជាការពារភូមិ៨នាក់ ក្នុងម្នាក់ៗទទួលបាន៣០,០០០រៀល ,កម្លាំងបុស្តិ៍នគរបាលឃុំរាជមន្ទីរ៦នាក់ ក្នុងម្នាក់ៗទទួលបាន៣០,០០០រៀល និងឧបត្ថម្ភអង្ករសម្រាប់ប៉ុស្តិ៍នគរបាលឃុំរាជមន្ទីរចំនួន២បាវ ១០០គីឡូក្រាមផងដែរ។
No comments:
Post a Comment